Puji
kalih syukur ka sanggakeun ka Dzat Alloh SWT anu parantos masihan mangrupi-rupi
Kani’matan Ka urang sadayana utamina ni’mat anu pang agengna nyatana ni’mat
iman sinareng islamna, sahingga urang sami tiasa kersa ngalaksanakeun ibadah sholat
jum’at anu kacida pentingna.
Sholawat
miwah salam na mugia salamina tetep lumungsur ka panutan alam nyatana habibana
Muhammad Saw, ka para keluargana ka para shohabatna anu mudah2an sumarambah ka
urang sadayana salaku ummat na di akhir jaman, mudah2an urang sadayana kaemrat
ku syafaat manteuna anu di sebat syafa’atul ujma na, amin yarobbal Alamain.
Hadirin Sidang Jum’at Rohimakumulloh
Dina waktos jum’at kalangkung
simkuring kantos ngadugikeun yen dina waktu dipasihan ni’mat urang
diparentahkeun kedah syukur, maka dina khutbah ayena bade di jentrekeun yen
dina nalika menang musibah atanapi cobaan di parentahkeun kedah sobar.sarta
duanana sobar jeng syukur eta mangrupa tahapan pikeun naekeun darajat jalma anu
mu’min.
Dauhan Rosululloh Saw dina Hadistna :
Anu Hartosna “ Dimana Alloh Ta’ala
Miasih hiji hamba maka sok maparin balahi, dimana hamba eta sobar maka ku gusti
di angkat eta darajatna”
Salajengna sabar eta aya tilu bagian
ditingali tina jihat masalah anu dipayunan na.
Bagian kahiji nyaeta sabar dina
mayunan ma’siat , nyaeta nahan na hawa nafsu ulah migawe ma’siat sanajan
sakumaha hayang na, malah lain ngan saukur ninggalkeun tapi kedah gaduh rasa
teu resep kana pagawean ma’siat, oge berusaha ngalengitkeun pagawean ma’siat
komo tina dosa anu ageng saperti ngalaksanakeun riba, perjinahan,
perjudian,pamabokan , pencurian, pembunuhan eta sadayana perbuatan anu
melanggar hukum agama oge hukum nagara, anu pasti bakal nimbulkeun karesahan
sareng kakacauan. Urang kedah berusaha sabar urang dugika nglaksanakeun
pagawean anu sapertos kitu, ieu mangrupa pang abot2 na kasabaran.
Bagian anu kadua nyaeta sabar dina
mayunan ibadah ,urang kedah sabar ngalaksankeuna sanajan sakumaha horeamna,
upamana dina ngalaksanakeun solat, sobar wudu na sing hade, sholat dina awal
waktu komo mun tiasa dilaksanakeun kalawan berjama’ah di masjid, sholat sunat
qobliah sareng ba’diah na di laksanakeun, wiridan sab’dana sholat sasarengan,
ikhlas, khusu, tawadhu jeng istiqomah. Eta ngalaksanaken anu sapertos kitu
peryogi kasabaran sabab hante skabeh jalma tiasa ngalaksankeun na, ngan saukur
jalma – jalma anu imana kuat anu tos di paparin taupik hidayah ti Alloh SWT.
Hadirin Sidang Jum’at Rohimakumulloh
Bagian anu katilu nyaeta sabar dina
nandangan musibah, satiap ngarandapan hal anu teu matak genah ker jalma mu’min
eta ngajabarkeun kana nampi na musibah kalawan ucapan
Hartosna “ urang yakin yen urang teh
kagungan Gusti Alloh kalawan mutlaq , bade di kitukeun, di kieukeun, kumaha
Gusti Alloh SWT.
Moal aya nu bisa ngaharu biru, moal
aya nu ngaganggu gugat kana kawenangan Gusti Alloh, kana kakawasaan Gusti Alloh
bade di hidengkeun atawa di beremkeun oge urang moal aya daya jeng upaya.
Awak urang ngan ukur sasampaian umur
ukur sasamperan , urang di usik malikeun ku gusti Alloh SWT
Hanteu daya jeng teu upaya anging
kalawan pitulung Alloh anu maha Agung,
Sabar mayuna musibah tiasa di
buktoskeun ku kayakinan anu :
Kahiji yakin yen lamun urang sabar
tina musibah bakal menang ganjaran , tapi saupamina ngarasula eta bakal menang
dosa, sedengken musibah tetep jadi, rek sobar atawa rek ngarasula .
Kadua yakin yen musibah teh eta lain
siksaan , malah tanda rohmat sareng pangasih Alloh SWTkanggo ngaronjatkeun
jalma2 anu bisa sobar.
Katilu malah sayidina umar bin
khotob RA upami anjena di paparin musibah teh sok sasauran kieu:
Kaula sok muji ka Alloh SWT opat
kali :
Kahiji karena musibah hanteu lewih
berat ti batan nu ngarandapan
Kadua karena musibah lain dina agama
Katilu karena di paparin kasobaran
Kaopat kana ngarepkeun ganjaran ti
Pangeran.
Mudah-mudahan urang sadayana masing
di paparinan kasabaran anu kuat dina ninggalkeun ma’siat , oge sabar dina
ngalaksanakeun to’at , sarta sabar dina nampina musibat,
Amin ya Alloh Ya Robbal ‘alamin..
بارك الله لي ولكم
فى ا لقران العظيم ونفعى وايا كم بما فيه من الايات والذكر الحكم وتقبل منى ومنكم تلا
وته انه هو السميع العليم اقول قولى هذا فاستغفره انه هو الغفور الرحيم
